Glóbalisminn í spádómum biblíunnar

 Víða í biblíunni er fjallað um framvindu sögunnar og hið gríðar-öfluga alþjóðlega veldi sem drottna mun yfir öllum þjóðum við lok tímanna. Í 7. kafla Daníelsbókar er fjallað um draum Daníels um dýrin fjögur og ráðningu draumsins:... Fjórða dýrið merkir að fjórða konungsríkið mun upp rísa á jörðinni, sem ólíkt mun verða öllum hinum konungsríkjunum, og það mun upp svelgja öll lönd, niður troða þau og sundur merja. 

Bæði í Daníelsbók og Opinberunarbókinn kafla 13-17 kemur fram að þetta ríki verður and-kristið og and-gyðinglegt, alþjóðlegt veldi sem kúgar kristna og gyðinga: Og því var leyft að heyja stríð við hina heilögu og sigra þá, og því var gefið vald yfir sérhverri kynkvísl og lýð, tungu og þjóð.(Opinb.13.7)

Enginn muni geta keypt eða selt nema viðurkenna (tibiðja) ríki þetta og taka á sig merki þess á hönd eða enni (Opinb.13.k.) Þannig er rafvæðing viðskipta og útrýming seðla og myntar mikilvæg svo þetta rætist. Einnig þarf alþjóðleg miðstýring efnahagslífsins að koma til og knosun fullveldis þjóðríkja undir alþjóðlega stjórn.  Þetta mjakast allt í áttina. 

Forsendan fyrir því að alþjóðaveldi þetta fái staðist er þó að jarða kristna trú og gera kristið fólk óvirkt. Það er enda yrsta forsenda alræðisafla, t.a.m kommúnista og islamista. Hér eftir nefnt rauð-græna bandalagið, enda í andlegu bandalagi vegna sameiginlegs gyðinga- og kristni haturs beggja.  Alræði og kristin trú eiga illa saman. 

Myrkar mannfjöldaspár

Upplýsingaveitan Deagel spáir efnahagshruni í BNA og að mannfjöldi BNA meira en helmingist á þessum áratug og að Vesturlönd stefni í ástand sem minnir á myrkar miðaldir á meðan Kína og Rússland og Asía muni blómstra. Samkvæmt Deagel mun landsframleiðsla Kína, Indlands Rússlands,Japan og Brasilíu vera meiri en BNA árið 2025. Í neðanmálsskýringum sem ritaðar eru árið 2014 tilnefna þeir væntanlegt efnahagshrun Vestrænna ríkja og tilflutning þungamiðju efnahagslífsins til austurs sem aðalfaktor og lýðfræðilegar hamfarir og brain drain í kjölfarið. Þeir nefna einnig merkilegt nokk, skæðar farsóttir sem heilbrigðiskerfið muni ekki ráða við. Þetta er nú samt dálítið langsótt sér í lagi að þessi viðsnúningur gerist svona hratt. Var þessi spá ekki gerð áður en Trump kom og sneri dæminu við?

Ég held þó að þar sem mótmælendatrúin er á miklu undanhaldi í Evrópu, en hún skapaði borgarastéttina og efnalega velmegun Vesturlanda, þá sé að fjara hratt undan Vesturlöndum. Eftir því sem trúnni hnignar mun borgarastéttin hverfa einnig og einungis verða tvæar stéttir til,almúgi og elíta. Það er víst vilji and-kristnu glóbalkommúnistanna.

Alræði eða plága?

Samkvæmt fréttum veltir landlæknir Noregs því fyrir sér hvort rétt sé að leyfa hjarðónæmi að myndast gegn kórónuveikinni í Noregi, það er leyfa plágunni nokkurn veginn að hafa sinn gang. Hann er því líklegur til að hafna kínversku leiðinni sem einu leiðinni til að vernda þjóðina. Hann telur að ef reynt sé að vernda alla gegn henni nú og fáir smitist þá muni plágan bara gjósa upp á ný með haustinu, t.a.m. með smiti að utan. Það má vera að þetta sé rétt hjá honum. Það má vera að kínverska leiðin sé ágæt til síns brúks ef menn sætta sig við alræðisskipulag til langframa. Það er reyndar til alræðisskipulags sem Vesturlönd stefna nú, m.a. fyrir fulltingi loftslagstrúaralræðisins og vera má að veiran flýti þeirri vegferð. Fyrir mig sem kristinn mann fylgir þó sá böggull skammrifi að alræði er anstæðingur kristindómsins. Á máli hagfræðinnar er kristindómur (mótmælendatrú) og alræði gagnkvæmt útilokandi valkostir. Kristindómurinn hefur blessað Vesturlönd gríðarlega efnahagslega og menningarlega sl. 500 ár en aðrir heimshlutar hafa reynt hermun sl. áratugi með nokkrum árangri. Nú sækja alræðisstefnurnar kommúnismi og islamismi hart að Vestulöndum og um leið að kristinni trú. Og við höfum skipulega og samviskusamlega sópað guðstrúnni undir teppið. Mér hugnast ekki alræðisskipulag, plága eða ekki. Hin biblíulega leið til að bægja frá plágu sem vísindin ráða ekki við er að kalla saman lýðinn til bæna og föstu. Nú er tilefni til þess að gráta og iðrast synda sinna og þjóðarinnar og biðja Guð miskunnar fyrir þjóð vora.

Valið stendur um alræði eða kristindóm

Ef vonda fólkið þegir mun góða fólkið leiða yfir okkur útópískt alræðisríki. Rauðir eru fánar kommúnista og grænir fánar islamista, en þeir sem tilheyra hinni fyrrnefndu alræðisstefnu bjóða þeim sem tilheyra hinni síðarnefndu í te til Evrópu. Í dag eru 90% alþingismanna í eldrauðri og grænni Samfylkingu alræðis-glóbalista og því lítil von fyrir Ísland. Í Daníelsbók og Opinberunarbókinni eru spádómar um að gríðarlega öflugt alþjóðlegt ríki muni kremja niður þjóðirnar við lok daganna. Ljóst má vera að glóbalisminn er efnilegur til að uppfylla þessa spádóma. Orðalagið í 7.kafla Daníelsbókar er t.d: ,,Fjórða dýrið merkir, að fjórða konungsríkið mun rísa upp á jörðinni, sem ólíkt mun verða öllum hinum konungsríkjunum, og það mun upp svelgja öll lönd, niður troða þau og sundur merja.” Við þessi orð verður mér hugsað til tilskipana Evrópubandalagsins og samþykkta SÞ sem ógna bæði lýðræði og fullveldi þjóðríkjanna. Opinberunarbókin 13,16 og 17 fjallar einnig um ríki dýrsins. Af textanum má skilja að ríki þetta verði mjög fjandsamlegt bæði gyðingum og kristindómi. Alræðisríki kommúnista fyrr og síðar, sem og ríki islamista eiga sameiginlegan fjandskap á bæði gyðingum og kristindómi. Víðlend og voldug ríki tilheyra hinu andlega bandalagi og þau munu verða samráða: ,,...því að Guð hefur lagt þeim í brjóst að gjöra vilja sinn og vera samráða og gefa ríki þeirra dýrinu (glóbalísku yfirstjórninni), allt til þess er orð Guðs koma fram (Opb.Jóh. 17.k.). Alræðisstefnur þessar eru gríðarlega öflugar í nútímanum. Þótt járntjaldið sé fallið, er það samt fallna hóran Evrópa, sem hefur yfirgefið kristindóminn og er komin er til Babýlon og undir vald villuanda ásamt með Kína og mjög víðlendum áhrifasvæðum islamista. Eina vonin gegn alræði er endurreisn kristindómsins því valið stendur í raun aðeins um alræði eða kristindóm, – og munum að blessa Ísrael; vilji okkur farnast vel.

Alræðistilburðir stjórnvalda?

Á jafnréttis- og loftslagsráðstefnu forsætisráðuneytis í Hörpu í síðasta mánuði komu fram hjá aðalræðumönnum gríðarlegar áhyggjur af því að fjórðungur þjóðarinnar væri vantrúaður á hnattræna hlýnun af mannavöldum. Einn ræðumaður fræðingavæddi vandamálið með enska heitinu polarization eða skautun, sem á mannamáli merkir einfaldlega að landsmenn skiptast í gagnstæðar fylkingar með andstæðar skoðanir. Við alræðisstjórn ríkir ekki tjáningarfrelsi. Er stefnt að slíkri stjórn hér á landi? Úr ræðupúltinu í Hörpu var boðuð sú lausn á þessu vandamáli að takmarka tjáningarfrelsi almennings á samfélagsmiðlum og auka netritskoðun. Mér fannst þetta óhugnalegt og Austantjaldslegt. Sjaldan er ein báran stök. Forsætisráðuneytið stóð skömmu síðar fyrir annarri ráðstefnu um þjóðaröryggi, sem er gott og blessað. En þar voru kynnt til sögunnar ný og dularfull fræðiorð globalista á borð við fjölþáttaógnanir og Global Disinformation Index, sem vekja grunsemdir um vissa alræðistilburði. Í kynningu á ráðstefnunni á vefsíðu Forsætisráðuneytisins var klausa sem skilja má á þann veg að gagnrýni og vantraust á stjórnvöldum sé nú skilgreint sem ógn við þjóðaröryggi: Á ráðstefnunni verður fjallað um fjölþáttaógnir í víðum skilningi, þ.e. skipulagða beitingu ólíkra aðferða sem miða að því að grafa undan stöðugleika eða trausti á stjórnvöld og stjórnskipan ríkja. Hvernig á að skilja þessa setningu? Við búum ekki í Kína. Er glæpur hér á landi að hafa ekki traust á stjórnvöldum eða beita sér með skipulögðum hætti gegn þeim? Varðar það þjóðaröryggi ef þjóðhollir íhaldsmenn beita sér gegn vinstri ríkisstjórn sem liggur flöt fyrir globalismanum og gamblar með fullveldið?

Global Disinformation Index (alheims falsfréttastuðull) var einnig á dagskrá þjóðaröryggisráðstefnunnar. Þetta teygjanlega hugtak er gjarnan notað um það þegar íhaldssamt fólk á samfélagsmiðlum gagnrýnir hugmyndafræði globalista. Á hinn bóginn; þegar vinstrisinnaðir globalistar gagnrýna hugmyndafræði þjóðhollra íhaldsmanna með hávaða eða ofbeldi er það nefnt borgaraleg óhlýðni virðingarverðra aðgerðasinna! Ríkisfjölmiðillinn o.fl. hreinir og óspjallaðir alvöru fréttamiðlar spila með alræðisöflum globalismans í þessum öfugsnúna leik og eru því í raun hinar einu sönnu fölsku fréttir þar sem þeir nota gríðarlegt vald sitt til innrætingar pólitískrar rétthugsunar þar sem aðeins eitt sjónarmið fær brautargengi.

Alræði eða kristindómur

Undarleg var tjáningin í ræðupúlti aðalræðumanna í Hörpu á ráðstefnu um Jafnrétti og loftslag sem fram fór í síðasta mánuði. Þvílík forræðishyggja og miðstýring og óþol fyrir skoðunum annarra sem birtist þar. Skoðanir þess fjórðungs þjóðarinnar sem ekki trúa á manngert loftslag vill þessi elíta kveða niður með öllum ráðum. Fræðingavætt var "vandamálið" nefnt "pólarisering" úr pontu og hana þurfti heldur betur að kveða niður. Alræði rúmar bara eina skoðun. Alræði er það sem valdhafinn í loftinu hefur í hyggju og mun takast ef vonda fólkið þegir. Óþolið fyrir skoðunum annarra og brennandi löngunin til að miðstýra og hefta efnahaginn undir yfirskini loftslagsvár leynir sér ekki. Verst er að kolefnishlutleysi mun útrýma borgarastéttinni.  Borgarastéttin á tilveru sína og velsæld sína siðaskiptunum að þakka. Ef orð guðs hefði ekki verið tekið inn í lægri stéttirnar væru ennþá bara hástétt og lágstétt, en það er óskadraumur elítu globalista. 

Úr ræðupúltinu var því einnig haldið fram af aðalræðumömnnum að kapítalisminn stæði í vegi fyrir þeirri niðurpressun efnahagslífsins sem kolefnishlutleysi er. Annar andstæðingur loftslagsins var einnig nefndur til sögunnar úr ræðupúltinu, nefnilega Guðs kristni. Náttúrutrú var álitin heppilegri.

Kapítalismi og mótmælendatrú tengjast sterkum böndum og eru orsakir þess að Vesturlönd hafa sl. 500 ár tekið risastökk inn í almenna velsæld borgarastéttarinnar, en aðrir heimshlutar hafa sl. áratugi reynt hermun með nokkrum árangri. Kristindómurinn er mikið áhyggjuefni fyrir einræðisstjórnir.  Kommúnistarnir í Kína hafa endurvakið ofsóknir gegn kirkjunni og Austan tjalds löndin reyndu að úrrýma kristni. Islam reynir einnig að útrýma kristni enda alræðisstefna. Það er því mikið áhyggjuefni fyrir Vesturlönd hve kristni er ýtt til hliðar.  Enda er kristni eini valkosturinn við einræði.