Angurljóð í plágu

Orð Drottins, sem kom til Jóels Petúelssonar. Heyrið þetta, þér öldungar, og hlustið, allir íbúar landsins! Hefir slíkt nokkurn tíma til borið á yðar dögum eða á dögum feðra yðar? Segið börnum yðar frá því og börn yðar sínum börnum og börn þeirra komandi kynslóð. Það sem nagarinn leifði, það át átvargurinn, það sem átvargurinn leifði, upp át flysjarinn, og það sem flysjarinn leifði, upp át jarðvargurinn. Vaknið, þér ofdrykkjumenn, og grátið! Kveinið allir þér, sem vín drekkið, yfir því að vínberjaleginum er kippt burt frá munni yðar. Því að voldug þjóð og ótöluleg hefir farið yfir land mitt, tennur hennar eru sem ljónstennur og jaxlar hennar sem dýrsins óarga. Hún hefir eytt víntré mín og brotið fíkjutré mín, hún hefir flegið allan börk af þeim og varpað þeim um koll, greinar þeirra urðu hvítar. Kveina þú eins og mær, sem klæðist sorgarbúningi vegna unnusta æsku sinnar. Matfórnir og dreypifórnir eru numdar burt úr húsi Drottins, prestarnir, þjónar Drottins, eru hryggir. Vellirnir eru eyddir, akurlendið drúpir, því að kornið er eytt, vínberjalögurinn hefir brugðist og olían er þornuð. Akurmennirnir eru sneyptir, vínyrkjumennirnir kveina, vegna hveitisins og byggsins, því að útséð er um nokkra uppskeru af akrinum. Vínviðurinn er uppskrælnaður, fíkjutrén fölnuð, granateplatrén, pálmaviðurinn og apaldurinn, öll tré merkurinnar eru uppþornuð, já, öll gleði er horfin frá mannanna börnum.

Aðeins skaðlaus heilabreyting, Gromit, það er allt og sumt.

Ónæmiskerfi mannkynsins og erfðamengi er meingallað vegna mistaka Þróunarinnar og ræður ekki við kóvid 19. Færustu vísindamenn heimsins eru að vinna að lausn málsins. Oft var þörf en nú er nauðsyn á ( hroðvirkum ) hraðvirkum vísindalausnum áður en mannkynið fyrirferst. Lausnin er fundin í líki glænýs kjarnsýrubóluefnis sem hingað til hefur aldrei verið notað á menn, aðeins í einu tilfelli á hesta. Það má þó ljóst vera að það er áhættunnar virði að keyra þetta í gegn á leifturhraða. DNA "bóluefni" (t.d. Astra Zeneca fyrir Ísland) er róttæk bylting frá fyrri bóluefnum sem voru veiklaðar veirur. Hið nýja bóluefni er mun magnaðri vísindi. Svona svipað og kjarnorkuverkfræði er flóknari en blikksmíði. Hluti af erfðaefni Kórónuvírusins er dulbúið sem efni sem dyravörður mannlegs frumukjarna þekkir og hleypir inn í sjálft hið heilaga gral, frumukjarnann. Þar er ætlunin að virkja erfðaefnið í kjarna mannsfrumunnar  til að framleiða vírusprótein og líkja þannig eftir sýkingu. Vonandi  leiðir þetta ferli svo til ónæmis gegn vírusnum, en prófanir sýna reyndar að slíkt ónæmi þverr hratt. Það er óþarfi að fyllast ótta, enda er þetta aðeins saklaus "erfðabreyting", það er allt og sumt. Íslenska þjóðin bíður spennt eftir að vera tilraunadýr fyrir glæný vísindi. Prófunartími bóluefna mælist í áratug eða tugum, en nú liggur á! Íslendingar bíða þess að vera lausir úr prísund plágunnar og sóttvarnaryfirvalda og það er sannarlega þess virði að taka jafn stóra áhættu þegar ábatinn er jafn lítill. Svo er bara að vona að engar lífshættulegar aukaverkanir komi fram er árin líða.  

(Kóvid) Kapp er best með forsjá og sá sem hraðar sér misstígur sig. - Orðskviðir Salómons

Til að flýta fyrir þróun bóluefnis niður í nokkra mánuði er nú verið að nota erfðaverkfræði í stað hefðbundinna aðferða sem taka áraraðir.  Mótsögnin er að þar sem lang flestir fá engin eða væg Covid 19 einkenni er talið mikilvægt að bóluefnið verði mjög öruggt því "bólusetja á alla heimsbyggðina". Því ef í ljós kemur að bóluefnið er varasamt mun myndast mikil mótstaða meðal almennings. - Raunar geta liðið fleiri ár þangað til slíkt verður ljóst. Samt sem áður er þegjandi samkomulag um að hraða þróun bóluefnis gríðarlega og nota nýja gerð DNA bóluefna sem fram til þessa hafa aldrei hlotið samþykki til nota í mönnum.  Flýtirinn er til kominn vegna þess að því er trúað að lífið komist ekki í fastar skorður á heimsvísu fyrr en búið sé að bólusetja heimsbyggðina. En hver vill fá erfðaefni úr vírus inn í sína eigin frumukjarna - þangað sem ekkert óviðkomandi á að fara ?  Til þess að koma erfðaefni vírussins þangað inn þarf að blekkja mannlega frumukjarna til að opna fyrir erfðaefni vírussins -um það snúast þessi vísindi að hluta til. Og framleiðendur bóluefna firra sig allri lagalegri ábyrgð af framleiðslu sinni! Engin leið verður að krefjast skaðabóta. Ekki er ólíklegt að bólusetningar verði skylda og óbólusettir settir út í kuldann. 

Flugfélög eru þegar byrjuð að krefjast ónæmis fyrir Covid 19, t.d. kemstu ekki um borð í Emirates flug til Dubai án slíks vottorðs.  Þannig virðist það vera að ekki sé langt í að ekki sé hægt að kaupa og selja nema vera bólusettur og taka á sig rétttrúnað glóbalista. Íslandsbanki með sína kynjakvóta og loftslagstrúarbissnessinn eru þegar á þeirri braut. Þeir sem ekki spila með eru útilokaðir frá viðskiptum. Máski eru þetta  allt skref í átt að hinu illa alheimsríki sem biblían kallar Ríki dýrsins (Opinberunarbókin og Daníel).

Stóra spurningin er hvort maðurinn sé undursamlega skapaður eins og stendur í sálmi 139 eða hvort við séum slembilukka þróunar sem hægt er að betrumbæta og þörfnumst þess að "vísindamenn" fitli við erfðaefni okkar inni í frumukjarnanum. Slíkt finnst mér óhugnalegt, sér í lagi ef líf og efnahagur mannlegs samfélags er hengt á slíkt óðagot og tilraunastarfsemi. Ekki hef ég áhuga á að neinn "vísindamaður" krukki í mín helgustu DNA vé.

 

Í Davíðssálmi 139 segir að við séum undursamlega sköpuð. 

Drottinn, þú rannsakar og þekkir mig. 2 Hvort sem ég sit eða stend, þá veist þú það, þú skynjar hugrenningar mínar álengdar.3 Hvort sem ég geng eða ligg, þá athugar þú það, og alla vegu mína gjörþekkir þú. 4 Því að eigi er það orð á tungu minni, að þú, Drottinn, þekkir það eigi til fulls. 5 Þú umlykur mig á bak og brjóst, og hönd þína hefir þú lagt á mig. 6 Þekking þín er undursamlegri en svo, að ég fái skilið, of háleit, ég er henni eigi vaxinn. 7 Hvert get ég farið frá anda þínum og hvert flúið frá augliti þínu? 8 Þótt ég stigi upp í himininn, þá ertu þar, þótt ég gjörði undirheima að hvílu minni, sjá, þú ert þar. 9 Þótt ég lyfti mér á vængi morgunroðans og settist við hið ysta haf, 10 einnig þar mundi hönd þín leiða mig og hægri hönd þín halda mér. 11 Og þótt ég segði: "Myrkrið hylji mig og ljósið í kringum mig verði nótt," 12 þá myndi þó myrkrið eigi verða þér of myrkt og nóttin lýsa eins og dagur, myrkur og ljós eru jöfn fyrir þér. 13 Því að þú hefir myndað nýru mín, ofið mig í móðurlífi. 14 Ég lofa þig fyrir það, að ég er undursamlega skapaður, undursamleg eru verk þín, það veit ég næsta vel. 15 Beinin í mér voru þér eigi hulin, þegar ég var gjörður í leyni, myndaður í djúpum jarðar. 16 Augu þín sáu mig, er ég enn var ómyndað efni, ævidagar voru ákveðnir og allir skráðir í bók þína, áður en nokkur þeirra var til orðinn. 17 En hversu torskildar eru mér hugsanir þínar, ó Guð, hversu stórkostlegar eru þær allar samanlagðar. 18 Ef ég vildi telja þær, væru þær fleiri en sandkornin, ég mundi vakna og vera enn með hugann hjá þér. 19 Ó að þú, Guð, vildir fella níðingana. Morðingjar! Víkið frá mér. 20 Þeir þrjóskast gegn þér með svikum og leggja nafn þitt við hégóma. 21 Ætti ég eigi, Drottinn, að hata þá, er hata þig, og hafa viðbjóð á þeim, er rísa gegn þér? 22 Ég hata þá fullu hatri, þeir eru orðnir óvinir mínir. 23 Prófa mig, Guð, og þekktu hjarta mitt, rannsaka mig og þekktu hugsanir mínar, 24 og sjá þú, hvort ég geng á glötunarvegi, og leið mig hinn eilífa veg.

 

 

 

 

John MacArthur tjáir sig um blekkingameistarann.

Í tilefni þess að Sóttvarnarstofnun Bandaríkjanna (CDC) sendi frá sér yfirfarin gögn um að einungis 6% hverra banamein var skráð Covid væri það í raun og sanni, sagði John MacArthur að um djöfullega blekkingu væri að ræða. "There is no Pandemic"    

Ræður Mosab Hassan Yousef fyrir þingi Sameinuðu þjóðanna.

Árið 2010 kom hér út bókin SONUR HAMAS sem fjallaði um Mosab Hassan Yousef, sem er sonur leiðtoga Hamas hreyfingarinnar. Hann njósnaði fyrir Ísraela meðan hann lék hryðjuverkamann fyrir sínu heimafólki. Eftir að hafa komið í veg fyrir margar sjálfsmorðssprengjuárásir Hamas liða flýði hann til Bandaríkjanna þar sem hann nú býr. Hann hefur tvisvar haldið stuttar ræður á þingi S.Þ. Fyrri ræðan er tvær mínútur og situr þingið dolfallið undir ræðu hans þar sem hann hakkar í sig forystu Palestínumanna og segir þá gráðuga hræsnara sem beri hag Palestínumanna ekki fyrir brjósti og ati börnum út í dauðann. S.Þ. sagðist hafa lent í tæknilegum vandkvæðum með seinni ræðuna, (ritskoðun) en Ísraelskir aðgerðasinnar tóku hana upp þannig að hún rataði einnig á Youtube. Í þeirri ræðu gagnrýnir hann harðlega BDS hreyfinguna, sniðgöngu Ísraelskra vara og fjárfestinga - sem er stjórnað af leiðtogum Palestínu - og segir hann hreyfinguna skaða hinn almenna Palestínumann. 

https://www.youtube.com/watch?v=c2NaiX-hvVQ

https://www.youtube.com/watch?v=pxsMr7k6cZE

Upplýsingin étur börnin sín

Í hálft þriðja árhundrað hefur Evrópska "Upplýsingin" hreykt sér yfir kristna trú og dæmt hana sem órökrétta og óvísindalega. Mannlega skynsemi hefur hún aftur á móti hafið á guðlegan stall og talið hana hið æðsta takmark siðmenntaðra samfélaga.

Það má fyrirgefa átjándu öldinni barnalega bjartsýni og ofurtrú á mátt mannlegrar skynsemi. En það er annað mál að bera slíkt á borð fyrir Evrópu sem hefur gengið í gegnum tvær heimsstyrjaldir og Helför, þrátt fyrir að setja mannlega skynsemi og rökhugsun í öndvegi á öllum sviðum. Þess vegna ákváðu Þjóðverjar eftir hörmungar Þriðja ríkisins að nefna nafn Guðs í stjórnarskránni. Það skipti þá miklu máli. 

Komandi kynslóðir munu óska þess að höfundar Stjórnarskrár Evrópu hefðu nefnt nafn Guðs biblíunnar og hinna kristnu hefða í henni. Þannig yrði það ljóst að Evrópa gæti aldrei orðið "Hús Islam". Við erum á skeiði umburðarlyndis og múslimar eru í minnihluta. Þó eru hermdarverk og við sjáum krauma undir niðri... Með því að sleppa því að nefna nafn hins Gyðing-kristna guðs biblíunnar sem grundvöll menningar okkar höldum við dyrunum opnum í stjórnarskránni fyrir þeirri hugsjón Islam að gera Evrópu að "Húsi Islam". Það er ekki ólíklegt að hin kristna menning Evrópu verði eyðilögð vegna þessa umburðarlyndis og fjölmenningar sem við erum svo stolt af. 

Unnið upp úr texta Ortwin Schweitzer

Borgarastéttin tekin niður ?

Kristin trú og kapítalismi tengjast sterkum böndum og eru grundvöllur mikils uppgangs borgarastéttar Vesturlanda sem skeiðað hefur ljósárum fram úr heimsbyggðinni sl. 500 ár eða svo á sviði vísinda, lista og efnahags. Uppgangur Hinnar Kristnu álfu, Evrópu, varð ekki fyrir tilviljun. Biblían er grundvöllurinn. En nú hafa Vesturlönd hafnað bæði kristindóminum og kapítalismanum í skiptum fyrir náttúrutrú og kommúnisma. Báðar þessar stefnur eru miðstýringar- og alræðisstefnur sem krefjast heimsyfirráða, pressa niður efnahagslífið og skilja eftir sig sviðna jörð. Kolefnishlutleysi er t.d.  ávísun á hrikalega miðstýringu og fátækt - hreint helvíti á jörð! Sú stefna gengur ekki upp nema mannfólkinu á jörðinni fækki alveg gríðarlega eða lífskjör færist aldir til baka.

Þar sem grundvöllurinn undir hinni þungu byggingu Vesturlanda er brostinn er hrunið óhjákvæmilegt og er þegar hafið eins og sjá hefur mátt í fréttum undanfarin misseri. Enginn veit hvað átt hefur fyrr en misst hefur. Mannréttindasáttmálar og tilskipanir, reglugerðir og lög koma ekki í staðinn fyrir kristni í þjóðríki. Innviðir þjóðfélaga eru ekki fyrst og fremst efnislegir heldur andlegir og búa í samfélagsgerðinni sem hvílir á trúarlegri innrætingu. Kristin þjóðfélög Vesturlanda hafa haft yfirburði í mörg hundruð ár, en nú eru blikur á lofti.  

Shadowgate Millie Weaver um Djúpríkið í USA

Youtube og Twitter voru ekki lengi að fjarlægja þessa  "upplýsingaóreiðu" af vefjum sínum. 

Sjá hér  

Tjáningarfrelsið má aldrei veikjast segja auglýsingar Amnesty á biðskýlum Strætó. Ég bæti við ...nema tjáningarfrelsi þjóðrækinna hægri manna og sannkristinna á samfélagsmiðlum því þar er "upplýsingaóreiða" hættuleg fávísum lýð sem er ófær um að draga réttar ályktanir. Hin "rétta" skoðun "alvöru" fjölmiðla má ein heyrast. Sú skoðun speglar heimsmynd alræðis vinstri manna, glóbalista og miðstýringarsinna sem vilja innleiða herská alræðisleg alheimstrúarbrögð andstæð kristni til Vesturlanda, ásamt kommúnisma og afleiddum alræðisstefnum eins og náttúrutrú -einnig nefnt sjálfbær þróun. 

 

Mikil eftirspurn ferðalanga í stofufangelsi á Íslandi

Er von á mikilli eftirspurn erlendra ferðamanna í 6 daga stofufangelsi á Íslandi? Á mbl.is kemur fram að vertinum ber að hringja í lögreglu ef ferðamaðurinn yfirgefur klefa sinn. Afhenda má mat við herbergisdyr. Þetta er súrrealískt. Er þetta úr bók eftir Kafka? Það er fráleitt að fólk ferðist hingað til að dvelja í stofufangelsi.  Efnahag þúsunda, jafnvel tugþúsunda, starfsmanna ferðaþjónustu og fjölskyldna þeirra er fórnað fyrir móðursýki. Já, heilu sveitarfélögunum er fórnað. Þessar aðgerðir eru úr öllu samhengi. Meðalaldur þeirra fáu Íslendinga sem sagðir eru hafa dáið úr Covid er nálægt meðallífaldri þjóðarinnar. Meðalaldur þeirra mörgu sem þjást og deyja munu vegna ofsatrúaragðerða gegn Covid mun verða miklu lægri. Miklu langtímaatvinnuleysi og gjaldþrotum hefur alltaf fylgt vonleysi, aukin andleg og líkamleg veikindi, drykkjusýki og sjálfsmorð. Börnin og ungmennin munu þjást - og deyja. Hver ber ábyrgð á því? 

 

 

100 vilja hýsa gesti í sóttkví

Það þurfti Breta til að fræða okkur ESB undirgefna á því augljósa.

Fórnarkostnaður harkalegra sóttvarnaraðgerða er sá að mannslíf tapast segja Bretar. Það þurfti Breta til að fræða okkur, ESB undirgefna, á þessum augljósu sannindum.  -að innilokun, skert þjónusta og samfélagsleg höft drepi fólk ekki síður en veirur. Í biblíunni er saga af því þegar refsidómur Guðs kom yfir Ísrael. Í þeirri sögu stendur Davíð frammi fyrir vali um þrenns konar birtingarmynd refsidóms. A. B. eða C. Hungur, sverð eða drepsótt. Davíð valdi drepsóttina með þessum orðum: Ég er í miklum nauðum staddur. Látum oss falla í hendur Drottins, því að mikil er miskunn hans, en í manna hendur vil ég ekki falla (2.Sam.24). Hið sama virðist vera uppi á teningnum nú.  Annað hvort tapast mannslíf vegna kóvid eða mannslíf tapast vegna sóttvarnaraðgerða. - Valkostir A og B. Stjórnmálamenn veðja e.t.v. á þann kostinn sem þeir álíta að skili þeim bestri útkomu í kosningum. það er valkostur B. Þeir eru þó alveg að fara á límingunum því þetta er vafasamt veðmál og vandi er um slíkt að spá. Ég fyrir mitt leiti vildi  fremur velja kost A, það er að mannslíf tapist vegna plágunnar - með sömu röksemdum og Davíð, í manna hendur vil ég ekki falla. Mér þykir ljóst að afleiðingar valkostar B séu hröðun siglingar þjóðarskútunnar í áttar til alræðisskipulags. Alræðisstefnur hafa átt mjög upp á pallborðið hér á Vesturlöndum í kjölfar þess að við höfnuðum menningararfleifð okkar, kristindóminum. 

Islam og kommúnismi/sósíalismi eru hvoru tveggja á blússandi siglingu, bæði í stjórnmálum og fjölmiðlum og eftirlitsiðnaðurinn á,la Stóri bróðir, á,la Kína, á,la And-Kristur sömuleiðis.  

Tveir fyrir hverja þrjá