Angurljóð í plágu

Orð Drottins, sem kom til Jóels Petúelssonar. Heyrið þetta, þér öldungar, og hlustið, allir íbúar landsins! Hefir slíkt nokkurn tíma til borið á yðar dögum eða á dögum feðra yðar? Segið börnum yðar frá því og börn yðar sínum börnum og börn þeirra komandi kynslóð. Það sem nagarinn leifði, það át átvargurinn, það sem átvargurinn leifði, upp át flysjarinn, og það sem flysjarinn leifði, upp át jarðvargurinn. Vaknið, þér ofdrykkjumenn, og grátið! Kveinið allir þér, sem vín drekkið, yfir því að vínberjaleginum er kippt burt frá munni yðar. Því að voldug þjóð og ótöluleg hefir farið yfir land mitt, tennur hennar eru sem ljónstennur og jaxlar hennar sem dýrsins óarga. Hún hefir eytt víntré mín og brotið fíkjutré mín, hún hefir flegið allan börk af þeim og varpað þeim um koll, greinar þeirra urðu hvítar. Kveina þú eins og mær, sem klæðist sorgarbúningi vegna unnusta æsku sinnar. Matfórnir og dreypifórnir eru numdar burt úr húsi Drottins, prestarnir, þjónar Drottins, eru hryggir. Vellirnir eru eyddir, akurlendið drúpir, því að kornið er eytt, vínberjalögurinn hefir brugðist og olían er þornuð. Akurmennirnir eru sneyptir, vínyrkjumennirnir kveina, vegna hveitisins og byggsins, því að útséð er um nokkra uppskeru af akrinum. Vínviðurinn er uppskrælnaður, fíkjutrén fölnuð, granateplatrén, pálmaviðurinn og apaldurinn, öll tré merkurinnar eru uppþornuð, já, öll gleði er horfin frá mannanna börnum.

Aðeins skaðlaus heilabreyting, Gromit, það er allt og sumt.

Ónæmiskerfi mannkynsins og erfðamengi er meingallað vegna mistaka Þróunarinnar og ræður ekki við kóvid 19. Færustu vísindamenn heimsins eru að vinna að lausn málsins. Oft var þörf en nú er nauðsyn á ( hroðvirkum ) hraðvirkum vísindalausnum áður en mannkynið fyrirferst. Lausnin er fundin í líki glænýs kjarnsýrubóluefnis sem hingað til hefur aldrei verið notað á menn, aðeins í einu tilfelli á hesta. Það má þó ljóst vera að það er áhættunnar virði að keyra þetta í gegn á leifturhraða. DNA "bóluefni" (t.d. Astra Zeneca fyrir Ísland) er róttæk bylting frá fyrri bóluefnum sem voru veiklaðar veirur. Hið nýja bóluefni er mun magnaðri vísindi. Svona svipað og kjarnorkuverkfræði er flóknari en blikksmíði. Hluti af erfðaefni Kórónuvírusins er dulbúið sem efni sem dyravörður mannlegs frumukjarna þekkir og hleypir inn í sjálft hið heilaga gral, frumukjarnann. Þar er ætlunin að virkja erfðaefnið í kjarna mannsfrumunnar  til að framleiða vírusprótein og líkja þannig eftir sýkingu. Vonandi  leiðir þetta ferli svo til ónæmis gegn vírusnum, en prófanir sýna reyndar að slíkt ónæmi þverr hratt. Það er óþarfi að fyllast ótta, enda er þetta aðeins saklaus "erfðabreyting", það er allt og sumt. Íslenska þjóðin bíður spennt eftir að vera tilraunadýr fyrir glæný vísindi. Prófunartími bóluefna mælist í áratug eða tugum, en nú liggur á! Íslendingar bíða þess að vera lausir úr prísund plágunnar og sóttvarnaryfirvalda og það er sannarlega þess virði að taka jafn stóra áhættu þegar ábatinn er jafn lítill. Svo er bara að vona að engar lífshættulegar aukaverkanir komi fram er árin líða.  

(Kóvid) Kapp er best með forsjá og sá sem hraðar sér misstígur sig. - Orðskviðir Salómons

Til að flýta fyrir þróun bóluefnis niður í nokkra mánuði er nú verið að nota erfðaverkfræði í stað hefðbundinna aðferða sem taka áraraðir.  Mótsögnin er að þar sem lang flestir fá engin eða væg Covid 19 einkenni er talið mikilvægt að bóluefnið verði mjög öruggt því "bólusetja á alla heimsbyggðina". Því ef í ljós kemur að bóluefnið er varasamt mun myndast mikil mótstaða meðal almennings. - Raunar geta liðið fleiri ár þangað til slíkt verður ljóst. Samt sem áður er þegjandi samkomulag um að hraða þróun bóluefnis gríðarlega og nota nýja gerð DNA bóluefna sem fram til þessa hafa aldrei hlotið samþykki til nota í mönnum.  Flýtirinn er til kominn vegna þess að því er trúað að lífið komist ekki í fastar skorður á heimsvísu fyrr en búið sé að bólusetja heimsbyggðina. En hver vill fá erfðaefni úr vírus inn í sína eigin frumukjarna - þangað sem ekkert óviðkomandi á að fara ?  Til þess að koma erfðaefni vírussins þangað inn þarf að blekkja mannlega frumukjarna til að opna fyrir erfðaefni vírussins -um það snúast þessi vísindi að hluta til. Og framleiðendur bóluefna firra sig allri lagalegri ábyrgð af framleiðslu sinni! Engin leið verður að krefjast skaðabóta. Ekki er ólíklegt að bólusetningar verði skylda og óbólusettir settir út í kuldann. 

Flugfélög eru þegar byrjuð að krefjast ónæmis fyrir Covid 19, t.d. kemstu ekki um borð í Emirates flug til Dubai án slíks vottorðs.  Þannig virðist það vera að ekki sé langt í að ekki sé hægt að kaupa og selja nema vera bólusettur og taka á sig rétttrúnað glóbalista. Íslandsbanki með sína kynjakvóta og loftslagstrúarbissnessinn eru þegar á þeirri braut. Þeir sem ekki spila með eru útilokaðir frá viðskiptum. Máski eru þetta  allt skref í átt að hinu illa alheimsríki sem biblían kallar Ríki dýrsins (Opinberunarbókin og Daníel).

Stóra spurningin er hvort maðurinn sé undursamlega skapaður eins og stendur í sálmi 139 eða hvort við séum slembilukka þróunar sem hægt er að betrumbæta og þörfnumst þess að "vísindamenn" fitli við erfðaefni okkar inni í frumukjarnanum. Slíkt finnst mér óhugnalegt, sér í lagi ef líf og efnahagur mannlegs samfélags er hengt á slíkt óðagot og tilraunastarfsemi. Ekki hef ég áhuga á að neinn "vísindamaður" krukki í mín helgustu DNA vé.

 

Í Davíðssálmi 139 segir að við séum undursamlega sköpuð. 

Drottinn, þú rannsakar og þekkir mig. 2 Hvort sem ég sit eða stend, þá veist þú það, þú skynjar hugrenningar mínar álengdar.3 Hvort sem ég geng eða ligg, þá athugar þú það, og alla vegu mína gjörþekkir þú. 4 Því að eigi er það orð á tungu minni, að þú, Drottinn, þekkir það eigi til fulls. 5 Þú umlykur mig á bak og brjóst, og hönd þína hefir þú lagt á mig. 6 Þekking þín er undursamlegri en svo, að ég fái skilið, of háleit, ég er henni eigi vaxinn. 7 Hvert get ég farið frá anda þínum og hvert flúið frá augliti þínu? 8 Þótt ég stigi upp í himininn, þá ertu þar, þótt ég gjörði undirheima að hvílu minni, sjá, þú ert þar. 9 Þótt ég lyfti mér á vængi morgunroðans og settist við hið ysta haf, 10 einnig þar mundi hönd þín leiða mig og hægri hönd þín halda mér. 11 Og þótt ég segði: "Myrkrið hylji mig og ljósið í kringum mig verði nótt," 12 þá myndi þó myrkrið eigi verða þér of myrkt og nóttin lýsa eins og dagur, myrkur og ljós eru jöfn fyrir þér. 13 Því að þú hefir myndað nýru mín, ofið mig í móðurlífi. 14 Ég lofa þig fyrir það, að ég er undursamlega skapaður, undursamleg eru verk þín, það veit ég næsta vel. 15 Beinin í mér voru þér eigi hulin, þegar ég var gjörður í leyni, myndaður í djúpum jarðar. 16 Augu þín sáu mig, er ég enn var ómyndað efni, ævidagar voru ákveðnir og allir skráðir í bók þína, áður en nokkur þeirra var til orðinn. 17 En hversu torskildar eru mér hugsanir þínar, ó Guð, hversu stórkostlegar eru þær allar samanlagðar. 18 Ef ég vildi telja þær, væru þær fleiri en sandkornin, ég mundi vakna og vera enn með hugann hjá þér. 19 Ó að þú, Guð, vildir fella níðingana. Morðingjar! Víkið frá mér. 20 Þeir þrjóskast gegn þér með svikum og leggja nafn þitt við hégóma. 21 Ætti ég eigi, Drottinn, að hata þá, er hata þig, og hafa viðbjóð á þeim, er rísa gegn þér? 22 Ég hata þá fullu hatri, þeir eru orðnir óvinir mínir. 23 Prófa mig, Guð, og þekktu hjarta mitt, rannsaka mig og þekktu hugsanir mínar, 24 og sjá þú, hvort ég geng á glötunarvegi, og leið mig hinn eilífa veg.

 

 

 

 

Leiðari Kolbrúnar Bergþórsdóttir í dag - ítarefni.

Kolbrún Bergþórsdóttir vitnaði í bráðfyndið viðtal  spænskrar fréttastofu við yfirlækninn, Luis de Benito á sjúkrahúsi í Madrid, í leiðara Fréttablaðsins í dag. "Það er ekkert neyðarástand" segir hann. Fréttakonan færist öll í aukana og þylur upp skuggalegar Covid "staðreyndir" á hraðbergi sem læknirinn leiðréttir hæversklega. Hún hvíslar til félaga síns: "Við erum að missa tökin"  Fréttahaukurinn kemur henni til hjálpar til að þjarma að lækninum. Sem svarar með raunverulegum staðreyndum: "Ég veit ekki hvaða spítalar það eru sem þú ert að tala um. Það er rétt að við sjáum aukningu í innlögnum. En þar til í síðustu viku var engin. Í gær voru þrír. Þrír einstaklingar af rúmlega hundrað plássum, skilurðu? - svo nei, ég held ekki að við séum neins staðar nálægt því að yfirfyllast." Fréttamaðurinn minnir lækninn á að það séu 540 ný "Tilfelli". Læknirinn andvarpar mæðulega: "Þetta eru einstaklingar sem hafa mælst jákvæðir, en ekki endilega fólk sem er sjúkt."  Fréttafólkið breytir um umræðuefni og hefja að þylja upplýsingar um fyrirtæki sem eru að þróa bóluefni og spyrja hvort læknirinn bíði ekki spenntur? : Ja, það er auðvitað ákjósanlegt að ræða um bóluefni eftir að hafa skapað ótta um nauðsyn þess. Við verðum að selja það, svarar hann og glottir. Og bætir við: "Spurningin er sú hvort við þurfum bóluefni. Er það hættulaust? Skilar það árangri? En fyrst og fremst, Er það nauðsynlegt ? Ef það er rétt að gríðarmikill mannfjöldi hafi smitast af hverju þarf þá að bólusetja allan mannfjöldann? Það mikilvægasta sem við þörfnumst er bólusetning gegn óttanum og alls félagslega uppnámsins sem við höfum kallað fram."  Fréttakonan er ekki á því að lúffa með þá afstöðu sína að Covid sé lífshættuleg plága sem sé öll að færast í aukaana. Hún ítrekar að yfir 1000 manns séu að mælast með veiruna á hverjum degi á Spáni. Læknirinn svarar: Líttu á tölurnar um Helicobacter Pylory. Hún er í 50% spænsku þjóðarinnar. Þessi baktería er Type-1 carcinogenic virk samkvæmt skilgreiningu WHO. Þar með er helmingur þjóðarinnar í hættu á að fá magakrabba. Er það alvarleg staða? Er það neyðarástand? Fjalla fjölmiðlarnir um það?    

John MacArthur tjáir sig um blekkingameistarann.

Í tilefni þess að Sóttvarnarstofnun Bandaríkjanna (CDC) sendi frá sér yfirfarin gögn um að einungis 6% hverra banamein var skráð Covid væri það í raun og sanni, sagði John MacArthur að um djöfullega blekkingu væri að ræða. "There is no Pandemic"