Shadowgate Millie Weaver um Djúpríkið í USA

Youtube og Twitter voru ekki lengi að fjarlægja þessa  "upplýsingaóreiðu" af vefjum sínum. 

Sjá hér  

Tjáningarfrelsið má aldrei veikjast segja auglýsingar Amnesty á biðskýlum Strætó. Ég bæti við ...nema tjáningarfrelsi þjóðrækinna hægri manna og sannkristinna á samfélagsmiðlum því þar er "upplýsingaóreiða" hættuleg fávísum lýð sem er ófær um að draga réttar ályktanir. Hin "rétta" skoðun "alvöru" fjölmiðla má ein heyrast. Sú skoðun speglar heimsmynd alræðis vinstri manna, glóbalista og miðstýringarsinna sem vilja innleiða herská alræðisleg alheimstrúarbrögð andstæð kristni til Vesturlanda, ásamt kommúnisma og afleiddum alræðisstefnum eins og náttúrutrú -einnig nefnt sjálfbær þróun. 

 

Mikil eftirspurn ferðalanga í stofufangelsi á Íslandi

Er von á mikilli eftirspurn erlendra ferðamanna í 6 daga stofufangelsi á Íslandi? Á mbl.is kemur fram að vertinum ber að hringja í lögreglu ef ferðamaðurinn yfirgefur klefa sinn. Afhenda má mat við herbergisdyr. Þetta er súrrealískt. Er þetta úr bók eftir Kafka? Það er fráleitt að fólk ferðist hingað til að dvelja í stofufangelsi.  Efnahag þúsunda, jafnvel tugþúsunda, starfsmanna ferðaþjónustu og fjölskyldna þeirra er fórnað fyrir móðursýki. Já, heilu sveitarfélögunum er fórnað. Þessar aðgerðir eru úr öllu samhengi. Meðalaldur þeirra fáu Íslendinga sem sagðir eru hafa dáið úr Covid er nálægt meðallífaldri þjóðarinnar. Meðalaldur þeirra mörgu sem þjást og deyja munu vegna ofsatrúaragðerða gegn Covid mun verða miklu lægri. Miklu langtímaatvinnuleysi og gjaldþrotum hefur alltaf fylgt vonleysi, aukin andleg og líkamleg veikindi, drykkjusýki og sjálfsmorð. Börnin og ungmennin munu þjást - og deyja. Hver ber ábyrgð á því? 

 

 

100 vilja hýsa gesti í sóttkví

Það þurfti Breta til að fræða okkur ESB undirgefna á því augljósa.

Fórnarkostnaður harkalegra sóttvarnaraðgerða er sá að mannslíf tapast segja Bretar. Það þurfti Breta til að fræða okkur, ESB undirgefna, á þessum augljósu sannindum.  -að innilokun, skert þjónusta og samfélagsleg höft drepi fólk ekki síður en veirur. Í biblíunni er saga af því þegar refsidómur Guðs kom yfir Ísrael. Í þeirri sögu stendur Davíð frammi fyrir vali um þrenns konar birtingarmynd refsidóms. A. B. eða C. Hungur, sverð eða drepsótt. Davíð valdi drepsóttina með þessum orðum: Ég er í miklum nauðum staddur. Látum oss falla í hendur Drottins, því að mikil er miskunn hans, en í manna hendur vil ég ekki falla (2.Sam.24). Hið sama virðist vera uppi á teningnum nú.  Annað hvort tapast mannslíf vegna kóvid eða mannslíf tapast vegna sóttvarnaraðgerða. - Valkostir A og B. Stjórnmálamenn veðja e.t.v. á þann kostinn sem þeir álíta að skili þeim bestri útkomu í kosningum. það er valkostur B. Þeir eru þó alveg að fara á límingunum því þetta er vafasamt veðmál og vandi er um slíkt að spá. Ég fyrir mitt leiti vildi  fremur velja kost A, það er að mannslíf tapist vegna plágunnar - með sömu röksemdum og Davíð, í manna hendur vil ég ekki falla. Mér þykir ljóst að afleiðingar valkostar B séu hröðun siglingar þjóðarskútunnar í áttar til alræðisskipulags. Alræðisstefnur hafa átt mjög upp á pallborðið hér á Vesturlöndum í kjölfar þess að við höfnuðum menningararfleifð okkar, kristindóminum. 

Islam og kommúnismi/sósíalismi eru hvoru tveggja á blússandi siglingu, bæði í stjórnmálum og fjölmiðlum og eftirlitsiðnaðurinn á,la Stóri bróðir, á,la Kína, á,la And-Kristur sömuleiðis.  

Tveir fyrir hverja þrjá

Falsfréttir

Global Disinformation Index (falsfréttastuðull, eða stuðull upplýsingaóreiðu) er hugtak sem glóbalistar fundu upp og nota um það þegar íhaldssamt fólk á samfélagsmiðlum gagnrýnir hugmyndafræði glóbalista. Á hinn bóginn; þegar vinstrisinnaðir glóbalistar gagnrýna hugmyndafræði þjóðhollra íhaldsmanna með uppþotum og ofbeldi nefna glóbalistafjölmiðlar það  borgaralega óhlýðni (virðingarverðra) aðgerðasinna! Ríkisfjölmiðillinn o.fl.  "alvöru" fréttamiðlar spila með alræðisöflum glóbalismans í þessum öfugsnúna leik og eru því í raun hinar einu sönnu fölsku fréttir þar sem þeir nota gríðarlegt vald sitt til innrætingar pólitískrar rétthugsunar þar sem aðeins eitt sjónarmið fær brautargengi. 

Tveimur herrum þjónað

Ráðamenn reyna að þjóna bæði alþjóðastofnunum sem klæðast sauðargæru og fullvalda Íslandi, en hljóta að elska annan og afrækja hinn. Innleiðing á sáttmála Sameinuðu þjóðanna um réttindi farandfólks felur í sér fullveldisframsal og innleiðing regluverks ESB knosar bæði auðlindir og landbúnað Íslands. Sú þjóð sem stjórnar hvorki eigin landamærum né lagasetningu líður undir lok. Dapurleg örlög Búnaðarstofu og Landbúnaðarráðuneytisins má rekja m.a. til þjónkunar við regluverk ESB. Hálendisþjóðgarður á að uppfylla sáttmála SÞ um sjálfbæra þróun, um endurheimt ósnortinna víðerna þar sem bæði maðurinn og búféð eru aðskotadýr. Spurðu Guðna Ágústsson um afdrif hefðbundins íslensks landbúnaðar þegar “Miðhálendið verður í tröllahöndum…” og “Hó smalanna og hundgáin munu heyra sögunni til.” Harðsvíraða þéttingu byggðar í höfuðborginni má einnig rekja til samþykkta SÞ um sjálfbæra þróun. Reykjavíkurborg er samstarfsaðili ICLEI, sem er alþjóðleg stofnun með sterk tengsl við SÞ sem aðstoðar borgir við innleiðinguna og tilgangurinn helgar þar meðalið. Spurðu vini Vatnshólsins um sýndarmennsku-umsagnarferlið og sýndarmennsku-íbúalýðræðið.

Þessi Velvakandagrein birtist í  Morgunblaðinu fyrr á árinu undir dulnefni mínu, Kjói Kjalar.  

Stóri bróðir sækir í sig veðrið.

Nei Alma, það er hvorki hægt að treysta tæknirisunum hvað persónuvernd né mannréttindi varðar eins og dæmin sanna. Að sameina staðsetningartækni og smitrakningu býður alræði heim. Alma segir:  "Þau láta sér ofboðslega annt um per­sónu­vernd vegna þess að þau eru að hugsa þetta fyr­ir all­an heim­inn og það búa ekki all­ir í lýðræðis­ríki eins og við,“. þarna eru tvennar stórfréttir -Tæknirisarnir láta sér ofboðslega annt um persónuvernd! - En vinna þó með Kínastjórn! Við búum í lýðræðisríki! - en verðum þó að samþykkja víðtækar skerðingar á persónufrelsi og borgaralegum réttindum auk þess að hlýða samþykktum yfirþjóðlegra stofnana SÞ og lúta tilskipunum ókjörinna fulltrúa ESB.  Munu alræðisríki ekki geta notað eftirlitstæknina? Jú og við greiðum alræðinu veginn í þessu tilfelli. Öllum heiminum raunar eins og fram kemur í fréttinni. Tækninni fleygir fram sem nota má til að hafa taumhald á lýðnum. Kínaleiðin klár til brúks -einnig á Íslandi - bluetooth staðsetningarapp á allann lýðinn (og eftirlitsmyndavélafjöld með andlitsgreiningartækni). Já stóri bróðir er að sækja í sig veðrið enda kjörið tækifæri til þess nú. Spádómar biblíunnar eru einfaldlega að rætast um rafrænt eftirlit með öllum þegnum jarðarinnar. þar segir að enginn muni geta keypt eða selt nema taka á sig merki stóra bróður, eða merki Dýrsins eins og biblían orðar þeð. Í tálknmáli biblíunnar táknar dýr alþjóðlegt stórveldi eins og skýrt kemur fram í Danielsbók um dýrin fjögur sem fram koma á jörðinni og tákna, heimsveldin fjögur sem tóku við hvert af öðru. Babýlon, Meda og Persa, Grikkjaveldi og Rómaveldi. Dýr síðustu tíma er skv. Opinberunarbókinnni alþjóðlegt gríðaröflugt heimsveldi sem hefur eftirlit og vald yfir öllum mönnum. Ríkin og löndin munu vera mörg áfram en alþjóðasamvinnan alger og alræðið fullkomið. Fjórða dýrið mun samkvæmt Daníelsbók verða yfirtaks öflugt og troða niður öll lönd og sundur merja. Það er einmitt það sem við sjáum tilskipanir ESB og samþykktir SÞ vera að gera nú á Íslandi. 

Er hægt að treysta Google í baráttunni?

En það bar til um þessar mundir...

En það bar til um þessar mundir að boð kom frá Rex Glóbal keisara um að bólusetja skyldi alla heimsbyggðina. Þetta var fyrsta bólusetningin sem gjörð var um gjörvalla jörðina, og var gjörð þá er Dónald Trömp var landsstjóri á Vínlandi. Fór þá hver og einn til að láta bólusetja sig en þurftu ekki að borga. Þá komu nokkrir læknasveinar einslega til Rex um nótt og spurðu hann hví hann hefði meinað þeim að nota hydroxy-jurtalyfin sem þó virkuðu vel á bólurnar? Hann svaraði þeim: Þið spyrjið um það sem augljóst er en ég svara yður með gátu: Alheimsbólusetning gefur Rex Glóbal færi á að tengja rafræn skilríki við bólusetningarvottorðið og þar með stjórntæki til að hafa eftirlit með og stjórna öllum þessum hræddu kjánum?  Hafið þið ekki lesið Opinbáruna. Enginn kemst spönn frá rassi -fær hvorki keypt né selt nema hann sé merktur mér og lúti mér og tilbiðji?  

Er Ísland á sömu heljarferð og Svíþjóð ?

Dónald Trömp hafði þá rétt eftir allt saman!  Svíþjóð er farin í hundana. Listi yfir nýlegar skotárásir og sprengingar í Svíþjóð.  Fólk ævareitt yfir því að fjölmiðlar segja ungu stúlkuna hafa verið á vitlausum stað á vitlausum tíma. Einn sneri út úr og bætti við: Já, hún var í Svíþjóð. Fréttamiðlarnir hér heima sekir um að breiða yfir ástandið. Fréttablaði birti því sem næst ósýnilegar fréttir um málið -örstuttan stubb á síðu 2 á versta stað. Forsíðan sama dag undirlögð af einhverju einskisverðu fjármálaþvaðri um bankana og útlán sem enginn hefur áhuga á. Þvílíkt ömurlegt fréttamat og meðvirkni með landráðamönnum anti - kristinnar Svíastjórnar, frjálslyndra kjána sem svíkja menningararfleifð sína, kristna menningararfleifð fyrir afstæðishyggju og svíkja þjóð sína fyrir glóbalisma. Ísland er því miður á sömu leið. 

Sjá hér

And-Kristur á ferð á Íslandi

Í tilefni fréttar Útvarps Sögu: Sænskur prófessor: þetta er næstum því sama og aflífa fólkið - álíka öruggt og rafmagnsstóllinn  Í fréttinni kom fram að morfín og midazolam hafi veri gefið öldruðum í covid og dregið marga til dauða. Í því tilefni endurbirti ég þetta gamla blogg af vef mínum. 

Anti Kristur hyggst koma við á landinu í næstu viku og leggja fram þingsályktunartillögu um líknarmorð í þriðja skipti. Þú skalt morð fremja eru einkunnarorð hans. Hann hefur andstyggð á boðorðum Guðs og gefst aldrei upp við að koma brotum á þeim til leiðar. Þing eftir þing eftir þing knýr hann á með málefni dauðans. Hann veit sem er að ef dyrnar eru opnaðar í nafni t.d. mannréttinda, þá verður ekki aftur snúið. Þegar mammmón svo kemst í spilið, síðar meir, þegar harðnar á dalnum þá verður gott að geta létt á fjárhagsbyrðum heilbrigðiskerfisins með því að hvetja sjúklinga með þunga umönnun til að farga sér. Og framhaldið verður viðbjóðslegt! En boðorð Guðs eru sem klettur aldanna og breytast ekki, en mannlegar tilfæringar eru sem sandurinn síbreytilegi -eitt í dag og annað og verra á morgun, þótt tilgangurinn sé e.t.v. góður í upphafi. Ekki er gott að byggja á slíkum sandi því húsið mun hrynja að lokum og þá fá ýmsir skell. Til dæmis þeir sem styðja frumvarpið. Að lokum, t.d. í harðara og verra framtíðarríki, verða einnig þeir eða afkomendur þeirra veikir eða geðsjúkir eða gamlir og e.t.v. þung byrði á kerfinu. Viltu borga 10 milljónir fyrir sjúkrarúmið eða má bjóða þér líknandi sprautu og hvíldina eilífu? And Kristurinn er óþreytandi þing eftir þing með málefni tortímingar og dauða. Áfengi í allar búðir, lögleiðing eiturlyfja, líknarmorð, alfrjálsar fóstureyðingar. - og síðast en ekki síst, burt með Nýja Testamentið og Kristinfræði frá grunnskólanemendum, því landið á að verða hundheiðið eða ríki Islams og fara í hundana eins og meginlandið. Allt sem verður þjóðinni til tjóns er hans eftirlæti og það allt í nafni laganna, frelsis og mannréttinda!

Frjálslyndir fárast yfir siðferðilegri íhaldssemi Ungverja

Ungverjar hafa snúið vörn í sókn gegn frjálslyndu flóðbylgjunni sem flæðir yfir hinn Vestræna heim. And - kristinni flóðbylgju alræðisafla kommúnisma og glóbalista.  Vörn í sókn gegn þeirri bylgju þar sem allt er afstætt, jafnt sannleikur sem kynferði. Hið absolúta er fallið úr gildi - Orð Guðs hættulegt.  Við lifum á tímum þar sem það að segja sannleikann er álitið hatursglæpur. 

Tíðarandi hættulegur hinsegin fólki