Anti Kristur á Íslandi

Anti Kristur hyggst koma við á landinu í næstu viku og leggja fram þingsályktunartillögu um líknarmorð í þriðja skipti. Þú skalt morð fremja eru einkunnarorð hans. Hann hefur andstyggð á boðorðum Guðs og gefst aldrei upp við að koma brotum á þeim til leiðar. Þing eftir þing eftir þing knýr hann á með málefni dauðans. Hann veit sem er að ef dyrnar eru opnaðar í nafni t.d. mannréttinda, þá verður ekki aftur snúið. Þegar mammmón svo kemst í spilið, síðar meir, þegar harðnar á dalnum þá verður gott að geta létt á fjárhagsbyrðum heilbrigðiskerfisins með því að hvetja sjúklinga með þunga umönnun til að farga sér. Og framhaldið verður viðbjóðslegt!

En boðorð Guðs eru sem klettur aldanna og breytast ekki, en mannlegar tilfæringar eru sem sandurinn síbreytilegi -eitt í dag og annað og verra á morgun, þótt tilgangurinn sé e.t.v. góður í upphafi. Ekki er gott að byggja á slíkum sandi því húsið mun hrynja að lokum og þá fá ýmsir skell. Til dæmis þeir sem styðja frumvarpið. Að lokum, t.d. í harðara og verra framtíðarríki, verða einnig þeir eða afkomendur þeirra veikir eða geðsjúkir eða gamlir og e.t.v. þung byrði á kerfinu. Viltu borga 10 milljónir fyrir sjúkrarúmið eða má bjóða þér líknandi sprautu og hvíldina eilífu?

And Kristurinn er óþreytandi þing eftir þing með málefni tortímingar og dauða. Áfengi í allar búðir, lögleiðing eiturlyfja, líknarmorð, alfrjálsar fóstureyðingar. - og síðast en ekki síst, burt með Nýja Testamentið og Kristinfræði frá grunnskólanemendum, því landið á að verða hundheiðið eða ríki Islams og fara í hundana eins og meginlandið. Allt sem verður þjóðinni til tjóns er hans eftirlæti og það allt í nafni laganna, frelsis og mannréttinda!

Athugasemdir

[Jón Valur Jensson, 23.9.2018 kl. 23:50]

Góður lestur og þarfur, Guðjón Bragi, og framsýnni mörgu sem ýmsir boða í trú á sína efnishyggju.

[Halldór Egill Guðnason, 24.9.2018 kl. 01:15]

 Leyfið dauðsjúkum að kveljast með ólýsanlegum hætti sem lengst. Látið þá engjast sundur og saman. Látið þá kveljast meir en orð fá lýst. Leyfið þeim að lokum að deyja Drotni sínum að ómælanlegri kvöl lokinni og helst með alla fjölskylduna yfir sér allan tímann! 

 Drotni verða seint þökkuð þessi skilaboð, samkvæmt þessu.

 Hvað varð um að Drottinn líkni þeim deyjandi og sjúku?

 Hvað hugsa menn sem taka undir svona kjaftæði?

 Fallegt hjá ykkur, eða hitt þó heldur.

 Þið gangið greinilega ekki á Drottins vegum.

 Góðar stundir, með kveðju að sunnan.

[Jón Valur Jensson, 24.9.2018 kl. 02:27]

Hann er að tala um Anti-Krist, Halldór minn, jafnvel Satan.

Hvorki Guðjón né ég talar gegn líknarmeðferð sjúkra.

Þessar lýsingar þínar kannast ég heldur ekki við.

En þökk sé Guði, að til eru deyfandi meðul, morfín o.m.fl.