Umboðsskrifstofa alþjóðavaldsins (ust) nær kverkataki á atvinnulifinu í boði glóbaflokkanna þriggja

Stjórnarfrumvarp um losunarheimildir er grátleg lesning. Umhverfisstofnun fær víðtækar heimildir yfir atvinnulífinu og getur "lokað reikningi" þeirra sem falla ekki í kramið og gert út af við reksturinn. Það er ef menn eru svo lukkulegir að fá yfirleitt "losunarheimild" til að byrja með. Lagt er til að frumarpið taki strax gildi. Þetta er ávísun á annað hrun. Guð Blessi Island. 

https://www.althingi.is/altext/150/s/1229.html

 

Í 2. mgr. er tekið fram að Umhverfisstofnun fari með framkvæmd laganna hvað viðskiptakerfi með losunarheimildir varðar og losunarbókhald Íslands. Í 3. mgr. er tekið fram að loftslagsráð sé sjálfstætt og óháð í störfum sínum. Hlutverk loftslagsráðs er að veita stjórnvöldum aðhald og vera til ráðgjafar um stefnumarkandi ákvarðanir og markmið sem tengjast loftslagsmálum. Í samræmi við markmið um hversu mörg prósent hvert ríki skuli að lágmarki draga úr losun sem fellur undir sameiginlega ábyrgð á tímabilinu fær hvert ríki árlega losunarúthlutun (e. Annual Emission Allocation, AEA) í samræmi við heimila losun koldíoxíðsígilda. Árleg losunarúthlutun byggist á meðaltalslosun (sem fellur undir sameiginlega ábyrgð) á árunum 2016–2018 og skal ekki fara yfir skilgreind mörk sem eru línuleg frá 2020 og mun ljúka árið 2030. Uns við verðum þriðja heims þjóð og dauðinn knýr dyra

Athugasemdir

[Magnús Sigurðsson, 15.4.2020 kl. 06:06]

Sæll Guðjón Bragi, mér finnst að þú hefðir átt að láta fyrri pistil þinn fylgja til útskýringar, þar sem reglugerðalestur glóbal bírókrtísins er ekki til ætlaður að auka skilning á einu né neinu.

"Bjartsýnir bloggarar vona að veiran verði til þess að glóbalisminn verði undan að láta og í hönd fari tímar fullveldisstyrkingar og landamæragæslu. Ekkert bendir þó til annars en þau sterku öfl sem knýja glóbalismann áfram muni nota veiruna sem átyllu til enn frekari alþjóðlegrar miðstýringar - veiran verði bein innspýting í þróun glóbalismans. Seðlar og mynt verða aflögð og viðskipti gerð rafræn, vald alþjóðastofnana verður eflt, til varnar áföllum sem þessum og alþjóðasamstarf mun blómgast sem aldrei fyrr.

Einn helsti drifkraftur glóbalismans er trúin á manngert loftslag og manngerðar náttúruhamfarir. Meðan leiðtogar og lýðir beina meðskapaðri trúarþörf sinni í slíkan farveg er engin von um varanlegt bakslag í þróun glóbalismans. Í Fréttablaðinu sl. mánudag voru þrjá slíkar greinar: Húsið okkar brennur, Loftslagsmálin - hvert stefnir og Hvað ef við myndum bregðast við hamfarahlýnun af sama krafti? Covid 19 er aðeins lognið á undan storminum."

[Guðjón Bragi Benediktsson, 15.4.2020 kl. 09:12]

Takk fyrir Magnús, heiður að þú skulir líta við á síðunni minni. 

[Magnús Sigurðsson, 15.4.2020 kl. 13:26]

Mín var ánægjan, sá sem setur saman mögnuð ljóð á heiður skilin.

Yfir Efsta leiti er sex
hundruð sextíu og sex milli-
bara slægð sem þokast
inn í landsmenn.

Við Austurvöll stendur yfir
miðstýring á krökkum og vindur
blæs af austri.

Ótti magnast upp með fjölmiðlum,
en sjálfstæð hugsun hverfur
Þegar líður að kosningum.
Vitsmunalíf við frostmark.