Dularfullt grænt minnisblað

Dularfullt grænt minnisblað fannst fyrir utan ráðherrabústaðinn í Tjarnargötu síðdegis. Þetta virðist vera einhvers konar rekstrarreikningur 

Rauði kr.+ lögfrkostn.            7560 millj.

Mokað oní skurði                  2560 millj.

Kolefnisjöfnun & þ.h.             8590 millj.

Sjálfbær þróun                    15625 millj.

kynjuð hagstjórn                  4895 millj. 

Uppblásin sundlaug úr Costco      8000 kr.

Kjallarakompa f. Júlían            -0     kr.  

 

Krossinn og farsældin, lygin og hrunið

Er það einber tilviljum að griðarleg efnaleg velmegun  hefur ríkt á Norðurlöndum svo lengi sem elstu menn muna. Farsældin er ekki fyrir tilviljun, heldur vegna mótmælendatrúarinnar. Hagfræðingar hafa staðfest sterk tengsl hennar við velmegun. Þarf raunar ekki hagfræðing til, nóg að vera ekki hálfviti til að sjá tengslin. Evrópa var kölluð hin kristna álfa og sl. 500 ár hefur hún skeiðað ljósárum fram úr heimsbyggðinni í efnalegri og menningarlegri velmegun (tækniþróun, efnahag, listum o.þ.h). Þar sem Guðs orð hljómar og er virt kemur blessun. Nú hefur Evrópa snúið baki við Jesú Kristi og er komin til Babýlon á vald villuanda. Hrunið er handan við hornið. Leiðtogar hennar eru ekki sterkir kristnir einstaklingar, heldur lýðskrumarar sem hafna Jesú kristi og eiga ekki heilbrigða trú. Trúarþörf þeirra leitar sér svölunar með villuljósi því sem mun leiða mun ómældar efnahaghörmungar yfir heimsbyggðina. Þeirri trú að maðurinn stjórni veðurfari og valdi náttúruhamförum og því þurfi að hefta og bæla efnahagslífið, auka eftirlit og miðstýringu. (Þetta er kommúnismi,and-kristin alræðisstefna, í  dulbúningi).

 ...af því að þeir veittu ekki viðtöku og elskuðu ekki sannleikann, svo að þeir mættu verða hólpnir. Þess vegna sendir Guð þeim megna villu, til þess að þeir trúi lyginni...(2.þessalóníkubréf)

 Æ, að þú vildir gefa gaum að boðorðum mínum, þá mundi heill þín verða sem fljót og réttlæti þitt sem bylgjur sjávarins. Jesaja,48:18

Davíðssálmur 91

Sæll er sá, er situr í skjóli Hins hæsta,sá er gistir í skugga Hins almáttka,

sá er segir við Drottin: "Hæli mitt og háborg, Guð minn, er ég trúi á!"

Hann frelsar þig úr snöru fuglarans, frá drepsótt glötunarinnar,

hann skýlir þér með fjöðrum sínum, undir vængjum hans mátt þú hælis leita,

trúfesti hans er skjöldur og verja.

Eigi þarft þú að óttast ógnir næturinnar, eða örina, sem flýgur um daga,

drepsóttina, er reikar um í dimmunni, eða sýkina, er geisar um hádegið.

Þótt þúsund falli þér við hlið og tíu þúsund þér til hægri handar, þá nær það ekki til þín.

Þú horfir aðeins á með augunum, sér hversu óguðlegum er endurgoldið.

Þitt hæli er Drottinn, þú hefir gjört Hinn hæsta að athvarfi þínu.

Engin ógæfa hendir þig, og engin plága nálgast tjald þitt.

Því að þín vegna býður hann út englum sínum til þess að gæta þín á öllum vegum þínum.

Þeir munu bera þig á höndum sér, til þess að þú steytir ekki fót þinn við steini.

Þú skalt stíga ofan á höggorma og nöðrur, troða fótum ljón og dreka.

"Af því að hann leggur ást á mig, mun ég frelsa hann, ég bjarga honum, af því að hann þekkir nafn mitt.

Ákalli hann mig, mun ég bænheyra hann, ég er hjá honum í neyðinni, ég frelsa hann og gjöri hann vegsamlegan.

Ég metta hann með fjöld lífdaga og læt hann sjá hjálpræði mitt."

Glóbalisminn í spádómum biblíunnar

 Víða í biblíunni er fjallað um framvindu sögunnar og hið gríðar-öfluga alþjóðlega veldi sem drottna mun yfir öllum þjóðum við lok tímanna. Í 7. kafla Daníelsbókar er fjallað um draum Daníels um dýrin fjögur og ráðningu draumsins:... Fjórða dýrið merkir að fjórða konungsríkið mun upp rísa á jörðinni, sem ólíkt mun verða öllum hinum konungsríkjunum, og það mun upp svelgja öll lönd, niður troða þau og sundur merja. 

Bæði í Daníelsbók og Opinberunarbókinn kafla 13-17 kemur fram að þetta ríki verður and-kristið og and-gyðinglegt, alþjóðlegt veldi sem kúgar kristna og gyðinga: Og því var leyft að heyja stríð við hina heilögu og sigra þá, og því var gefið vald yfir sérhverri kynkvísl og lýð, tungu og þjóð.(Opinb.13.7)

Enginn muni geta keypt eða selt nema viðurkenna (tibiðja) ríki þetta og taka á sig merki þess á hönd eða enni (Opinb.13.k.) Þannig er rafvæðing viðskipta og útrýming seðla og myntar mikilvæg svo þetta rætist. Einnig þarf alþjóðleg miðstýring efnahagslífsins að koma til og knosun fullveldis þjóðríkja undir alþjóðlega stjórn.  Þetta mjakast allt í áttina. 

Forsendan fyrir því að alþjóðaveldi þetta fái staðist er þó að jarða kristna trú og gera kristið fólk óvirkt. Það er enda yrsta forsenda alræðisafla, t.a.m kommúnista og islamista. Hér eftir nefnt rauð-græna bandalagið, enda í andlegu bandalagi vegna sameiginlegs gyðinga- og kristni haturs beggja.  Alræði og kristin trú eiga illa saman. 

Myrkar mannfjöldaspár

Upplýsingaveitan Deagel spáir efnahagshruni í BNA og að mannfjöldi BNA meira en helmingist á þessum áratug og að Vesturlönd stefni í ástand sem minnir á myrkar miðaldir á meðan Kína og Rússland og Asía muni blómstra. Samkvæmt Deagel mun landsframleiðsla Kína, Indlands Rússlands,Japan og Brasilíu vera meiri en BNA árið 2025. Í neðanmálsskýringum sem ritaðar eru árið 2014 tilnefna þeir væntanlegt efnahagshrun Vestrænna ríkja og tilflutning þungamiðju efnahagslífsins til austurs sem aðalfaktor og lýðfræðilegar hamfarir og brain drain í kjölfarið. Þeir nefna einnig merkilegt nokk, skæðar farsóttir sem heilbrigðiskerfið muni ekki ráða við. Þetta er nú samt dálítið langsótt sér í lagi að þessi viðsnúningur gerist svona hratt. Var þessi spá ekki gerð áður en Trump kom og sneri dæminu við?

Ég held þó að þar sem mótmælendatrúin er á miklu undanhaldi í Evrópu, en hún skapaði borgarastéttina og efnalega velmegun Vesturlanda, þá sé að fjara hratt undan Vesturlöndum. Eftir því sem trúnni hnignar mun borgarastéttin hverfa einnig og einungis verða tvæar stéttir til,almúgi og elíta. Það er víst vilji and-kristnu glóbalkommúnistanna.

Alræði eða plága?

Samkvæmt fréttum veltir landlæknir Noregs því fyrir sér hvort rétt sé að leyfa hjarðónæmi að myndast gegn kórónuveikinni í Noregi, það er leyfa plágunni nokkurn veginn að hafa sinn gang. Hann er því líklegur til að hafna kínversku leiðinni sem einu leiðinni til að vernda þjóðina. Hann telur að ef reynt sé að vernda alla gegn henni nú og fáir smitist þá muni plágan bara gjósa upp á ný með haustinu, t.a.m. með smiti að utan. Það má vera að þetta sé rétt hjá honum. Það má vera að kínverska leiðin sé ágæt til síns brúks ef menn sætta sig við alræðisskipulag til langframa. Það er reyndar til alræðisskipulags sem Vesturlönd stefna nú, m.a. fyrir fulltingi loftslagstrúaralræðisins og vera má að veiran flýti þeirri vegferð. Fyrir mig sem kristinn mann fylgir þó sá böggull skammrifi að alræði er anstæðingur kristindómsins. Á máli hagfræðinnar er kristindómur (mótmælendatrú) og alræði gagnkvæmt útilokandi valkostir. Kristindómurinn hefur blessað Vesturlönd gríðarlega efnahagslega og menningarlega sl. 500 ár en aðrir heimshlutar hafa reynt hermun sl. áratugi með nokkrum árangri. Nú sækja alræðisstefnurnar kommúnismi og islamismi hart að Vestulöndum og um leið að kristinni trú. Og við höfum skipulega og samviskusamlega sópað guðstrúnni undir teppið. Mér hugnast ekki alræðisskipulag, plága eða ekki. Hin biblíulega leið til að bægja frá plágu sem vísindin ráða ekki við er að kalla saman lýðinn til bæna og föstu. Nú er tilefni til þess að gráta og iðrast synda sinna og þjóðarinnar og biðja Guð miskunnar fyrir þjóð vora.