Fósturvernd í Þýskalandi

12-weeks-31Samkvæmt 218 grein þýskra hegningarlaga er fóstureyðing glæpur. Það fyrirfinnst í kaflanum sem fjallar um "brot gegn lífinu" ásamt morði og manndrápi, jafnvel þótt undirgrein tilgreini að það sé afglæpavætt á fyrstu tólf vikum meðgöngu að því gefnu að konan hafi vottorð frá löggiltri ráðgjafaþjónustu og hafi beðið í þrjá daga áður en aðgerðin er framkvæmd. Ef þú heldur að ráðgjöfin hafi þann tilgang að efla þunguðu konuna til fóstureyðingar, þá hefur þú á röngu að standa. Lögin tilgreina að: "ráðgjöfin hefur þann tilgang að að vernda ófædda lífið. Leiðarljósið ætti að vera tilraun til að hvetja konuna að halda meðgöngu áffram og efla væntingar hennar til lífs með barni" Tíðni fóstureyðinga í Þýskalandi er helmingi lægri en á Íslandi !    

Við kristið fólk skulum muna rækilega Framsóknarflokki, Vinstri grænum og Sjálfsstæðisflokki frumvarp um löglegar fóstureyðingar til hálfrar meðgöngu - án þess að faðirinn fái rönd við reist! -og án sjúkleika eða vansköpunar eðan neinnar réttlætanlegrar ástæðu. 


SINACH - Frábær Nígerísk gospel söngkona

Þetta Youtube mynband finnst mér mjög upplífgandi og furðulegt hvað hinir kristnu í suðrinu eru glaðir undir Jihad ofsóknum Boko Haram ofstækissamtakanna sem þrífast í norðrinu þar sem Shariah lög gilda í flestum fylkjum. Kirkjubrennur og aftökur kristinna manna hafa lengi verið þeirra líf og yndir. Síðasta illvirki þeirra var aftaka gullfallegrar konu, Hauwa Liman að nafni sem var hjúkrunarfræðingur og hjálparstarsmaður Rauða krossins. Boko Haram samtökin virðast síður en svo hafa sagt sitt síðasta orð eins og menn hafa þó lengi vonað. Það virðist sannmæli að ef vér slítum sundur lögin þá slítum vér og sundur friðinn eins og Þorgeir Ljósvetningagoði mælti áður en hann mæltist til þess að allir óskírðir menn skyldu skírast og taka kristna trú.


Fjölkvænis - spámaðurinn

Múhameð bjó með Khadija fyrstu konu sinni í 25 ár. En eftir dauða hennar og flóttann til Medínu giftist Múhameð hið minnsta fimmtán konum til viðbótar. Margar þessara kvenna voru ekkjur eða fráskildar. Ein kona Múhameðs, Ayesha, var sex ára er hún var lofuð Múhameð og níu ára gömul þegar þau gengu í eina sæng að því er Hadith greinir frá. Árið 628 var María Koptíska, kristin ambátt, gefin Múhameð af landstjóra Egyptalands, Elmokaukas. Hadith greinir frá því að konur Múhameðs hafi orðið afbrýðisamar þegar Múhameð sinnti þeim ekkert um mánaðarskeið en bjó með Maríu einni. Þótt Múhameð hafi fengið "opinberun" sem hastaði á öfund kvenna sinna, þá setti hann vers í Kóraninn sem bannaði konum sínum að giftast aftur eftir dauða sinn. Þegar Múhameð giftist tengdadóttir sinni, Zainab, hneyksluðust margir á svæðinu. Zainab var eina eiginkona Zaid, ættleidds sonar Múhameðs. Dag einn þegar Múhameð kom í hús Zaid, veitti hann eftirtekt æskufegurð fáklædds líkama tengdadóttir sinnar. Hadith greinir frá því að Múhameð hafi lýst yfir: " Lofaður sé Allah, sem umbreytir hjörtum manna!" Þegar Zainab tilkynnti Zaid um þetta atvik, þusti hann yfir til Múhameðs til að bjóðast til að skilja við konu sína og gefa honum hana. Eftir að hafa hafnað þessu boði í upphafi, fékk Múhameð "opinberun" þar sem Allah á að hafa mælst til þess að hann giftist Zainab, tengdadóttur sinni. Níunda árið eftir flóttann til Medínu (árið 630) gafst Mekkaborg upp fyrir Múhameð. Múhameð fór fyrir 10000 manna herliði sem kom sigrandi inn í borgina. Árið 632 lést Múhameð af mikilli hitasótt, 63 ára að aldri, ellefu árum eftir flóttann til Medínu. Úr bókinni Slavery, Terrorism and Islam: The Historical Roots and Contemporary Threat. eftir Peter Hammond, útg. Frontline Fellowship, Cape Town, South Africa, 2010.) Útg. heimilar á titilsíðu endurprentun texta úr bókinni sé heimilda getið.


Fjöldamorð og -nauðganir (frh. 6)

Múhameð sá til þess að svo til allir gyðingar sem bjuggu í Arabíu voru annað hvort drepnir eða gerðir útlægir frá heimilum sínum og löndum. Eftir að hafa myrt einstaklinga sem voru gyðingar, gerði Múhameð tvo ættflokka gyðinga brottræka frá Medínu. Gyðingum af Banu Nadir ættflokki var skipað að yfirgefa Medínu innan tíu daga. Þegar þeir neituðu, innilokuðu menn Múhameðs þá í herkví og sveltu þá til uppgjafar. Eftir margar vikur gáfust þeir upp og voru reknir burt. Allar eigur þeirra og lönd voru gerð upptæk og skipt á meðal stuðningsmanna Múhameðs. Gyðingunum af Banu Nadir ættflokkinum var slátrað af múslimum tveimur árum síðar í nýjum heimkynnum sínum. Árið 626 þegar fylgjendur Múhameðs réðust á ættflokk Banu-L-Mustaliq, slátruðu múslimarnir mörgum úr ættflokkinum og tóku þúsundir af úlföldum þeirra og sauðfé að herfangi. Einnig rændu þeir nokkrum af þeirra "ágætu konum". Múhameð og fylgjendur hans létu síðan herteknu konurnar þola hópnauðgun. Hadith skrárnar greina frá því að nokkrir múslimar hafi leitað til Múhameðs með vanda nokkurn. Abu Sa´id Al-Khadri minnist þess að þeir hafi spurt Múhameð hvort það væri ásættanleg aðferð að ástunda rofnar samfarir við herteknu konurnar. "Við... þráðum þær því við þjáðumst vegna fjarveru eiginkvenna okkar, en einnig þráðum við lausnargjaldið fyrir þær...Því spurðum við sendiboða Allah (megi friður guðs vera með honum) og hann svaraði: Það skiptir ekki máli hvort þið gerið það, því allar þær sálir sem eiga að fæðast til dags upprisunnar munu fæðast." Opinberanir Múhameðs höfðu þegar réttlætt nauðgun hertekinna kvenna: "þær herteknu sem eru eign þinnar hægri handar". Surah 4:24." Í þessu tilfelli var eina álitamálið hvort lausnargjald fyrir fórnarlambið yrði minna eða tapaðist ef þær sneru þungaðar heim til eiginmanna sinna. Múhameð veitti þeim hvatningu til að halda ekki aftur af sér og nauðga herteknu konunum án þess velta sér upp úr því hvort þær yrðu þungaðar. Árið 627 kvöddu Mekkabúar út mikinn 10000 manna her til að binda enda á þá ógn sem stafaði af þessum svikara sem truflaði viðskipti þeirra. Bardagi skurðanna var sigur fyrir Múhameð. Skurðirnir sem menn hans höfðu grafið á hernaðarlega mikilvægum stöðum umhverfis Medínu hindruðu riddaralið óvinanna frá því að gagnast að nokkru ráði. Þegar Mekkabúar flúðu hélt Múhameð áfram til árásar á síðusta gyðingaættflokk í Medínu. Banu Qurayzah ættflokkinn. Múhameð skipaði mönnunum að snúast til Islam eða mæta dauðanum. þegar þeir neituðu voru allt að 900 þeirra hálshöggnir við skurðinn fyrir framan konur þeirra og börn. Ekkjunum var síðan nauðgað og þær seldar í ánauð. Múhameð valdi sér eina, Raihana Bint Amr, sem hjákonu. þrátt fyrir að þessi vesalings kona hefði horft upp á slátrun bæði föður síns og eiginmanns aðeins nokkrum tímum áður þröngvaði Múhameð sér upp á hana þessa nótt. Múhameð kenndi: "Meyjar herteknar í stríði voru gerðar réttmætar fyrir hermenn til samfara." Mishkat ii, bls. 440. Lausleg þýðing úr bókinni Slavery, Terrorism and Islam, The historical roots and Contemporary Threat. eftir Peter Hammond, útg. Frontline Fellowship, Cape Town, South Africa, 2010. Útg. heimilar á titilsíðu eftirprentun texta sé heimilda getið.


Aftökur (5)

Þegar Múhameð styrkti heimavirki sitt í Medínu, fyrirskipaði hann eða lagði til aftökur hinna ýmsu gagnrýnenda. Þeirra á meðal var skáldkonan Asma Blint Marwan, sem samdi háðkvæði um Múhameð og fylgjendur hans: "Vill enginn losa mig við þessa dóttir Marvans?" mælti Múhameð. Múslimi einn, Umayr að nafni, brást við þessa sömu nótt með því að stinga hana, þar sem hún gaf yngsta barni sínu brjóst. Afu Afak, yfir hundrað ára gamall maður, sem mótmælti drápum múslima Múhameðs og samdi háðkvæði um Múhameð var einnig drepinn að boði Múhameðs. Skáld af Gyðingaættum, Ka´b Bin Al-Asharf, sem yrkti sorgarkvæði um fórnarlömb aftaka múslima var drepinn með svikum múslima eins sem þóttist verða vinur hans uns hann gat tælt hann á brott frá heimili sínu og fjölskyldu til að myrða hann. Næstur var kaupmaður af gyðingaættum, Ibn Sunyana að nafni, myrtur af einum lærisveina Múhameðs. Því næst var velmegandi eldri kaupmaður, Abu Rafi, einnig gyðingur, brytjaður niður af sex múslimum þar sem hann svaf í rúmi sínu um nótt. Eftir þetta kaldrifjaða morð þráttuðu sexmenningarnir um það hver þeirra hefði í raun drepið manninn. Múhameð brást við með því að brosa og fór að athuga sverð þeirra. Hann benti á þann mann hvers sverð hafði viðloðandi matarleifar sem sigurvegarann, því Abu Rafi hlaut að hafa borðað kvöldverð áður en hann lagðist til svefns. Í Hadidt, ritsafni erfðasagna múslima, eru skráð nöfn a.m.k. nöfn 27 einstaklinga sem voru myrtir að skipun Múhameðs. (Úr bókinni Slavery, Terrorism and Islam, The Historical Roots and Contemporary Threat. eftir Peter Hammond, útg. Frontline Fellowship, Cape Town, South Africa, 2010.)


Heilagt stríð (4)

Í Medínu var honum gefinn landskiki og hús, en hann skorti þó ævinlega fé. Þá fyrirskipaði hann árásir á verslunarlestir frá Mekka. Fyrstu þjár árásirnar mistókust allar. Snemma árs 624 heppnaðist múslimum þó fyrirsát á verslunarlest. Árás þeirra kom algerlega að óvörum, því hún átti sér stað í Ramadan, hinum helga mánuði, sem var friðartími sem virtur var jafnvel af illskeyttustu ribböldum. Múhameð hafði þá nýfengið "opinberun" sem leyfði hernað í hinum helga mánuði, Ramadan. Auk herfangsins hélt Múhameð tveimur föngum í gíslingu þar til ættingjar þeirra borguðu 80 únsur silfurs í lausnargjald. Þann 15.mars 624 var orrustan af Badr, þar sem 300 menn Múhameðs sigruðu verndarsveit sem var minnst 5x stærri. Þá voru 40 Mekkabúar drepnir og 60 teknir til fanga en aðeins 14 múslimar töpuðust. Þetta var túlkað sem dýrðarsigur Múhameðs og kraftaverk Allah. Fangarnir voru færðir fyrir Múhameð og hálshöggnir með köldu blóði. Einn fanganna bað sér miskunnar og beiddist þess að fá að ala önn fyrir litlu dóttur sinni. Andsvar Múhameðs var " Vítiseldur!" Múhameð fagnaði síðan þegar maðurinn var afhöfðaður. Múhameð kom á þeirri reglu að fimmtungur herfangsins skyldi renna til Múhameðs. "Vitið að af öllu því herfangi sem þér takið, skal fimmtungur tilheyra Guði og leiðtoganum..."(Surah 8:41).

 

(Úr bókinni Slavery, Terrorism and Islam, The Historical Roots and Contemporary Threat. eftir Peter Hammond, útg. Frontline Fellowship, Cape Town, South Africa, 2010.) 


Múhameð, kalífarnir og heilagt stríð (frh.3)

Eineltið og hin sársaukafulla hæðni náði ekki að draga kjarkinn úr Múhameð. Yfirlýsingar hans urðu jafnvel enn yfirdrifnari. Árið 619 lýsti Múhameð því yfir að engillinn Gabríel hefði tekið hann frá Mekka til Jerúsalem þar sem hann hefði tilbeðið í musterinu (hinni fjarlægustu mosku) og ferðast gegnum sjö himna og hitt þar fyrri spámenn eins og Adam, Abraham, Móses og Jesús og að lokum verið fluttur inn í návist sjálfs Guðs! Allt átti þetta að hafa gerst á einni nóttu, á meðan líkami hans dvaldi í Mekka að sögn félaga hans. Svo óheppilega vildi þó til, að musterið í Jerúsalem hafði verið rifið niður árið 70, en svo virðist sem hann hafi ekki haft vitneskju um það. Þar sem Múhameð vonaðist til að vera meðtekinn sem spámaður af kristnum og gyðingum, innihéldu hinar fyrri opinberanir Múhameðs jákvæðar yfirlýsingar um "lýð bókarinnar" og múslimum var skipað að halda hvíldardag gyðinga og biðja í átt til Jerúsalem. Síðar þegar ljóst varð að gyðingar og kristnir höfnuðu honum sem spámanni felldi Múhameð niður hvíldardag gyðinga og breytti áttinni frá Jerúsalem til Mekka. Árið 619, sama árið og Múhameð átti að hafa ferðast inn í himininn, lést frændi hans Abu Talib, sem hafði verndað hann. Kona hans, Khadia, lést nokkrum mánuðum síðar. Leiðtogaembætti ættflokks hans færðist til annars frænda, Abu Lahab, sem dró vernd ættflokksins frá Múhameð. Múhameð varð fyrirlitinn og óvelkominn utangarðsmaður, án varnar og aðstæðurnar hans sífellt viðsjárverðari. Gæfan var þó við að snúast honum í hag. Hópur manna frá Yathrib vininni (sem síðar kallaðist Medina) 200 mílum norður af Mekka, ferðuðust til Mekka í hina árlegu pílagrímsferð til Ka´aba, skilgreindu sig sem múslima og lofuðu að breiða út boðskap Múhameðs í Yathrib. Í júni árið 622 kom hópur 75 manna frá Yathrib og ástundaði Islam og hétu því að verja Múhameð sem einn úr sínum hópi. Um þær mundir var verið að safna saman öldungum Mekka til að rétta yfir Múhameð sem svikara. Það var þá sem Múhameð ákvað að flýja Mekka og kom hann til Yathrib þann 24. september árið 622 og markar það ár upphaf tímatals Islam. Frá þeirri stundu varð Yathrib borg spámannsins, Medinnet El Nebi, sem hefur verið stytt í Medina. Það var á þessum tímamótum, þegar Múhameð hafði í fyrsta sinn vopnaða menn í þjónustu sinni að hann fékk sínar fyrstu "opinberanir" sem heimiluðu Jihad, heilagt stríð. (Lausleg þýðing úr bókinni Slavery, Terrorism and Islam, The Historical Roots and Contemporary Threat. eftir Peter Hammond, útg. Frontline Fellowship, Cape Town, South Africa, 2010.)


Múhameð, kalífarnir og heilagt stríð (frh.2)

Frá þeim tíma fékk Múhameð "opinberanir" sem hann hélt fram að kæmu beint frá Guði. Stundum fylgdu líkamleg einkenni þessum opinberunum. Múhameð heyrði bjölluhljóð, svitnaði ógurlega (jafnvel á köldum dögum), froðufelldi, skrifaði í angist, kastaðist til, velti augunum upp, missti meðvitund og komst í ástand sem líktist transi. Árið 613 hóf Múhameð að predika opinberanir sínar á opinberum vettvangi. Í upphafi var boðskapur hans einfaldur og Múhameð lýsti hlutverki sínu sem bundið við eitt markmið: " Aðeins að vara við" Surah 11: 12. Múhameð predikaði nauðsyn þess að gefa sig Allah á vald og varaði við heimsendi og degi dómsins, þar sem allir voru annað hvort dæmdir til vítiskvala eða leyft að ganga inn í Paradís. Boðskap Múhameðs var tekið fálega og með hæðni og fyrirlitningu af flestum Mekkabúum. Þó sneru nokkrir sér að trúnni, svo sem þræll Múhameðs, ættleiddur sonur hans Zaid, Ali frændi hans og Abu Bakr, náinn vinur hans og sálufélagi til lífstíðar. Höfðingjar Mekka hneyksluðust á framhleypni þessa almúgamanns, sem átti ekkert náttúrulegt tilkall til valda og virðingar, en dirfðist að krefja menn sér æðri um hlýðni. Þeir sáu predikanir Múhameðs gegn skurðgoðum þeirra sem byltingaráform með það að markmiði að grafa undan viðurkenndu þjóðfélagsskipulagi. Þrátt fyrir tilraunir Múhameðs til að skapa sættir með guðfræðilegum málamiðlunum með því að taka við þremur vinsælustu gyðjum Mekkabúa ( dætur tunglguðsins Al-lat, Al-uzza og Manat sem meðalgöngurum milli hinna trúuðu og Allah) hæddu Mekkabúar Múhameð: Hver heldur þessi yfirlætislegi fjárhirðir eiginlega að hann sé? Þessi heigull sem flúði af vígvellinum! Þessi öreigi sem á farsæld sína því að þakka að hafa giftst ekkju sem er nógu gömul til að geta verið móðir hans! Kaldhæðni og illkvittni múgsins varð sífellt ofsafyllri.

 </p (Úr bókinni Slavery, Terrorism and Islam, The historical roots and Contemporary Threat. eftir Peter Hammond, útg. Frontline Fellowship, Cape Town, South Africa, 2010.) Birt með leyfi útg.


Múhameð, kalífarnir og heilagt stríð (1)

Til þess að skilja Íslam, Shariah lög þess, þrælaverslun Múhameðstrúarmanna og hryðjuverk, er nauðsynlegt að við skiljum sögu stofnanda Íslams og kalífanna, arftaka hans. Múhameð, stofnandi Íslam, var fæddur í borginni Mekka árið 570. Samkvæmt múslimskri helgisögn var hann fæddur hreinn, umskorinn, með skorinn naflasteng og hrópaði þegar í stað Allah Akbah! (Guð er mikill!). Faðir hans, Abd Allah lést áður en Múhameð fæddist. Móðir hans Amina ( lasleg kona sem sögð var hafa lagt stund á dulræn fræði og átt það til að verða fyrir ofskynjunum) lést er Múhameð var aðeins sex ára. Múhameð var síðan í umsjá afa síns, Abdul-Muttalib, sem lést þremur árum seinna. Hinum níu ára gamla Múhameð var þá komið fyrir hjá frænda sínum, Abu Talib, sem notaði hann sem úlfaldaekil á einni af úlfaldalestum sínum. Ævisöguritarar hafa skráð að í uppvexti sínum hafi Múhameð verið bitur ungur maður, frústeraður yfir vanmætti sínum, og tilheyrt lægri stigum samfélagsins. Þegar Múhameð var 25 ára, ógnuðu Eþjópíumenn Mekka. Múhameð hljóp burt af vígvellinum og var þá útskúfað félagslega. Hann varð þá fjárhirðir,sem er lægsta félagslega staða í Arabíu. Síðar varð hann aðstoðarmaður farandsala með klæði og það starf færði hann til Hayacha þar sem hann hitti Khadija, auðuga ekkju, 15 árum eldri en hann. Múhameð kom í þjónustu hennar sem úlfaldaekill, og að lokum varð hann yfirmaður hennar. Þegar Khadija valdi að kvænast Múhameð varð umbreyting hans frá fátækt til auðsældar tryggð. Næstu tíu árin færði Múhameð út kvíarnar á fyrirtækjum Khadiju og sýndi færni og hæfileika sem áður höfðu ekki sést með honum. Það var á þessum tíma sem Múhameð byrjaði að hugleiða í einsemd, stundum vikum saman, í hellum Hira fjalls. Það var árið 610, þegar Múhameð var fertugur. að hann greindi Khadiju frá lífsreynslu sem olli honum hugaræsingi. Hann óttaðist að hann væri haldinn illum öndum. Það var þá sem Khadija lýsti því yfir: "Fagnaðu, ó sonur frænda míns, og ver æðrulaus! Af hendi hans sem sála Khadiju hvílir í, vona ég að þú verðir spámaður hans lýðs" Khadija fullvissaði hann um að svo dyggðugur maður sem hann var, gæti ekki verið undir valdi illra anda, heldur skyldi hann taka þessari lífsreynslu sem heimsókn engils og hann skyldi taka á móti kallinu með auðmýkt og gleði. Khadija varð fyrsti Múhameðstrúarmaðurinn. (Úr bókinni Slavery, Terrorism and Islam -The Historical roots and Contemporary Threat. eftir Peter Hammond, útg. Frontline Fellowship, Cape Town, South Africa, 2010.) Birt með leyfi útg.


Innskráning

Ath. Vinsamlegast kveikið á Javascript til að hefja innskráningu.

Hafðu samband